Women’s Empowerment Principles жаһандық тізіміне тағы бір қазақстандық компания қосылды

«Қазына капитал менеджмент» АҚ (ҚКМ) БҰҰ-ның "Әйелдердің құқықтары мен мүмкіндіктерін кеңейту қағидаттары" (Women's Empowerment Principles/WEPs) жаһандық бастамасына қосылды. "БҰҰ-әйелдер"құрылымының қолдауымен, компания WEPs жаһандық платформасында сәтті тіркелді. Әйелдердің құқықтары мен мүмкіндіктерін кеңейту қағидаттарын (Women ' s Empowerment Principles) "БҰҰ-әйелдер" құрылымы және БҰҰ-ның жаһандық шарты 2010 жылы әзірледі. Аталмыш құжат бизнес пен корпоративтік сектор үшін әзірленген практикалық басшылық ретінде гендерлік теңдікті ілгерілету, сондай-ақ үш сала: компания ішіндегі жұмыс орнында; тұтынушылармен жұмыс істеуде; әлеуметтік жобаларды іске асыру және азаматтық сектормен әрекеттесу арқылы әйелдердің құқықтары мен мүмкіндіктерін кеңейту бойынша ұсынымдар жинағы болып табылады. «БҰҰ-әйелдер» атынан жаңа қазақстандық компанияны WEPs жаһандық тізіміне қосылғанына қуаныштымын. "Kazyna Capital Management" компаниясы корпоративтік сектордағы әйелдер көшбасшылығын ілгерілетудегі рөлдік модельдердің бірі болып табылады. Біз жақын арада қаржы компаниялары мен корпорациялардың басшылығындағы қазақстандық әйелдерді көбірек көруге үміттіміз. Қазақстан WEPs жаһандық қағидаттарына қосылған компаниялар саны бойынша Орталық Азиядағы көшбасшылықты нығайтып келе жатқанын атап өткім келеді», - деді Қазақстандағы "БҰҰ-әйелдер" құрылымының өкілі Мария Доценко. Ол ҚР-дағы Отбасылық және гендерлік саясаттың жаңартылған тұжырымдамасына сәйкес, биліктің атқарушы, өкілді және сот органдарында, мемлекеттік, квазимемлекеттік және корпоративтік секторларда шешімдер қабылдау деңгейінде 2030 жылға қарай әйелдердің өкілдігін 30% - ға дейін арттыру бойынша, Қазақстан міндеттемелер алғанын еске салды. «Біз БҰҰ-ның "Әйелдердің құқықтары мен мүмкіндіктерін кеңейту қағидаттары" жаһандық бастамасына қосылуға қуаныштымыз. Портфельдік компаниялар мен біздің серіктестеріміз арқылы біздің компаниямыздың елдің бизнес-экожүйесіне ықпал етуінің кең спектрін түсіне отырып, біз қаржылық қолдауға тең қол жеткізуден бастап, компанияның ішкі операциялық процестерінде гендерлік теңдікті сақтаумен аяқтай отырып, қызметтің ашықтығын арттыруға және әйелдер мен ерлер үшін тең мүмкіндіктер жасауға ұмтыламыз. ҚКМ қатысатын қорлар одан әрі масштабтау, қаржылық тұрақтылық пен бәсекеге қабілеттілікті арттыру мақсатында экономиканың түрлі секторларындағы компанияларға капитал береді. Біздің инвестициялар тұрақты даму қағидаттарына негізделген адал іскерлік тәжірибені қалыптастыруға бағытталған», - атап өтті "Қазына капитал менеджмент" АҚ Басқарма төрайымы Айнұр Қуатова. WEPs қағидаттарға қол қою компанияның гендерлік теңдікті алға жылжытып, әйелдердің құқықтары мен мүмкіндіктерін кеңейтудегі мүдделілігі мен белсенді ұстанымның жария айғағы болып табылады. Бүгінгі таңда әлемде 5 000-нан астам компания WEPs бастамасына қатысып отыр, олардың 42-сі - қазақстандық компаниялар. Қазақстандағы "БҰҰ-әйелдер" құрылымы: қосымша ақпарат ал үшін Коммуникация және адвокация талдаушысы Динара Құсаинға +77018167706 телефон нөмірі немесе dinara.kussain@unwomen.org электрондық пошта арқылы хабарласуыңызды сұраймыз.